KITTY, THE VOICE OF THE FORGOTTEN FILIPINO
by Daniel Long
Anakbayan, kayo mismo ang “puwersa ng kadiliman” na inaakusahan ninyong kinabibilangan ni Kitty Duterte.
Ang CPP-NPA-NDF ay idineklarang teroristang organisasyon ng gobyerno ng Pilipinas, Estados Unidos, Europa, at Japan. Pumatay na sila ng 50,000 Pilipinong sibilyan, pulis, at sundalo – ngunit nananatiling tahimik ang Anakbayan sa pagtuligsa sa mga karumal-dumal na krimeng ito.
Ilan na bang mga estudyante at kabataan ang nagsimula sa Anakbayan, at kalaunan ay namatay matapos ma-brainwash, marecruit, at isabak sa isang walang saysay at marahas na digmaan – pinapatay ang mismong mga taong sinasabi nilang ipinaglalaban?
May boses si Kitty Duterte, at siya’y nagsasalita para sa milyun-milyong Pilipinong sumusunod sa batas, nagmamahal, at bumoto kay Pangulong Rodrigo Duterte at Pangalawang Pangulo Sara Duterte, ang pinakakakatiwalaang opisyal sa bansa. Umalis si PRRD sa pwesto na may 81% satisfaction rating. Siya’y nagsasalita para sa middle class ng bayan, na ngayo’y nagdurusa sa muling pagtaas ng krimen sa ilalim ng regimeng Marcos – kidnapping, snatching, holdup, pagnanakaw, patayan, at ang pagbabalik ng mga tulak ng droga sa lansangan.
Sinasabi ninyong ang pamilya ni Kitty ang ninakaw ng buhay ng libo-libong Pilipino? Ang kakapal naman ang mukha ninyo. Nakakatawa’t nakakainis marinig ang sigaw ng hustisya mula sa Anakbayan – grupong kilala ang koneksyon sa CPP-NPA-NDF at matagal nang tumatangging kondenahin ang kanilang karahasan.
At yang abogado ninyo sa ICC? Hindi nga kayang patunayan ang sinasabing “30,000 EJKs” dahil ni pangalan o katawan, wala silang maipakita 30,000. Alam na nating lahat na mga estima lang ang numerong ‘yan, hindi galing sa primary sources. Teka, kumusta na pala si Aling Shiela?
Tama si Kitty. Naalala ng aming mga magulang ang panahong ligtas kaming nakakalakad sa lansangan kahit sa gabi, dahil sa giyera kontra droga na nagpanatili ng katahimikan at kaligtasan sa aming mga komunidad. Ang numero, di tulad ng propaganda ng CPP, hindi nagsisinungaling – 74% pagbaba ng krimen, 1.4 milyong drug addict ang sumuko ng buhay para sa rehabilitasyon (kalahati ay balik na sa normal na buhay), at 58% ng mga barangay ang nalinis mula sa droga.
Sa ilalim ni Pangulong Duterte itinatag ang NTF-ELCAC sa pamamagitan ng Executive Order No. 70, na nagbawas sa mga guerrilla front ng NPA mula 89 hanggang 23 at nagpatapon ng sampu-sampung libong rebeldeang nagbalik-loob sa pamahalaan. Pinakilos din ang National Youth Commission para tugunan ang matagal nang binabalewalang problema ng NPA recruitment sa mga paaralan at unibersidad.
Hindi namin makakalimutan ang pagkamatay ni Keith Absalon, isang simpleng estudyante ng FEU at manlalaro ng football na pinasabog ng landmine ng NPA. Paikot ang mundo – at darating ang araw na ang mga simpatya, tagasuporta, at tagapagtanggol ng CPP-NPA-NDF ay sasama sa kanilang lider na si Joma Sison sa impiyerno – kasama ang mga traydor na kaliwa na nagsabwatan para isuko ang isang kapwa Pilipino at ang pinakapopular na Pangulo sa kasaysayan ng Pilipinas sa isang grupo ng dayuhang huwes na hindi halal ng bayan.
Ano, “red-tagging” nanaman? Pilipinas, Duterte Pa Rin! #BringPRRDHome
Daniel Long
Daniel Long is a Filipino writer for the Asian Century Journal, a moderator for the Asian Century Philippines Strategic Studies Institute think tank forums, a member of the Youth Committee of the Association for Philippines-China Understanding NGO (Non-Governmental Organization), a former guest host of “Opinion Ngayon” at Golden Nation Network, an official Philippine press delegate to China, an ASEAN-China social media influencer delegate to China, a former speechwriter for Senator Imee Marcos, and a political analyst whose articles focus on various critical issues within the Philippines. His perspectives are often rooted in a nationalist and populist approach, advocating for policies and reforms that prioritize the welfare of ordinary Filipinos. He has built a reputation for being outspoken about political, economic, and social challenges facing the nation.
Email: contact@asiancenturyph.com
Facebook: https://www.facebook.com/asiancenturyph/
Twitter: https://twitter.com/AsianCenturyPH
Tama, ang ka kapal nang mukha nang mga CPP, NDF AT MGA NPA NA YAN, matagal nang salot sa lipunan, kunwari mga makabayan mukha namang mga Pera. mga Ideology na wala sa ayos. Daming nabibiktimang mga Kabataan.